Lidhja Demokratike e Kosovës zhvilloi një tubim elektoral në kryeqytet, ku kandidati për kryeministër, Lumir Abdixhiku, prezantoi planin e tij për zhvillim ekonomik.

Gjatë tubimit elektoral, kryetari i LDK-së dhe kandidati për kryeministër, Lumir Abdixhiku, premtoi se do të investojë 1.5 miliardë euro në projekte zhvillimore në kryeqytet.

“Që në javën e parë do ta nënshkruajmë dhënien e garancisë për projektin e Unazës së Qytetit, në vlerë prej 360 milionë euro e cila do të ndikojë nën shkarkimin e trafikut dhe përmirësimin e qarkullimit në kryeqytet”, tha ai.

Ai premtoi se do të ketë investime edhe në fushën e arsimit dhe fusha të tjera.

“200 milionë euro për ta bërë mësimin tërëditor në Prishtinë, prandaj nuk jm këtu që t’ua rrisë unë sepse i kam dy të mi por jam këtu që t’u them se do ta bljmë mësimin tërëditor në krejt shkollat e Prishtinës. E e kemi për synim ta ndërtokmë spitalin e ri në Prishtinë me 500 milionë euro”, theksoi ai.

Kandidati Abdixhiku premtoi edhe përkrahje për pensionistët, si dhe trajnime për të rinjtë./rtk